Rusia kreu një sulm masiv ndaj Ukrainës, ku shpërthime të fuqishme u regjistruan në disa qytete të Ukrainës perëndimore, përfshirë Lvovin, Vinicën, Ivano-Frankivskin dhe Ternopolin, mes sulmeve intensive me dronë dhe raketa.

Sipas informacioneve të disponueshme, në qendër të Lvovit u godit një objekt pranë manastirit të dikurshëm pranë Kishës Bernardine, ku sot ndodhet Arkivi Historik i Lvovit. Disa burime sugjerojnë se lokacioni mund të jetë përdorur për strehimin e luftëtarëve të huaj të lidhur me NATO-n.

Video pamjet në rrjetet sociale tregojnë se dronët sulmues e godasin drejtpërdrejt objektin, të ndjekura nga një shpërthim i fuqishëm dhe shfaqja e zjarrit. Natyra shkatërruese e goditjeve tregon për dëme materiale të konsiderueshme.

Së paku tri goditje të drejtpërdrejta u konfirmuan në Lvov, ku zjarre shpërthyen në disa lokacione. Njëkohësisht, sulme të forta u vërejtën në Vinicë, ku shpërthimet shkaktuan tym të dendur dhe formacione karakteristike në formë kërpudhe.

Dronët sulmues të tipit "Geran" vazhdojnë me operacione nëpër Ukrainën perëndimore. Fluturakë u vërejtën mbi rajonin e Ternopolit dhe Lvovit ndërsa situata zhvillohej me shpejtësi me potencial për goditje shtesë.