Rënia e Viktor Orbanit në zgjedhjet në Hungari po shkakton reagime të forta në skenën politike maqedonase. LSDM-ja opozitare vlerësoi se VMRO-DPMNE mbetet pa aleatun e vetëm në Bashkimin Evropian.

Regjumet autokratike po rrëzohen. I radhës është Aleksandar Vuçiq, dhe me të edhe Hristijan Mickoski. Rajoni i përket Evropës, jo Rusisë, deklarojnë nga partia opozitare, duke vlerësuar se fitorja historike në Hungari dërgon një mesazh të qartë për të gjithë rajonin.

Nga LSDM-ja theksojnë se pas 16 vitesh qeverisje të Orbanit, regjimi i tij më në fund ra. Nuk ka më fshehje të Nikola Gruevskit në Budapest, kombinime sekrete biznesi, as para kineze që vijnë përmes atij regjimi, deklarojnë nga partia.

Fitorja e Peter Magyarit, sipas LSDM-së, nuk është vetëm fitorja e një partie, por fitorja e demokracisë mbi autokracinë, e Evropës mbi ndikimin rus dhe kinez dhe e sundimit të ligjit mbi korrupsionin.

Sipas rezultateve paraprake, opozita Tisza siguroi shumicën dytretëshe me 138 mandate kundrejt 55 për Fidesz-in, nga gjithsej 199 vende parlamentare.