Komuna e Strugës shpalli ankand për shitjen e një Audi A6 të lidhur me ish-kryebashkiakun Ramiz Merko. Çmimi fillestar është vendosur në 1.344.636 denarë, ose rreth 21.800 euro, dhe ankandi do të mbahet më 16 mars nëpërmjet platformës e-stvari.mk, duke filluar nga ora 10:00.

Makina u bë për 67.000 euro gjatë kohës kur Merko ishte në krye të komunës – dhe kjo në një periudhë kur llogaria e komunës ishte ngrirë. Blerja e automjetit luksoz shkaktoi një polemikë të gjerë publike. Edhe pse u ndërmorrën procedura ligjore, gjykata në Strugë konstatoi se Merko nuk mban përgjegjësi për blerjen.

Me të ardhurat nga shitja, administrata komunale planifikon të blejë një minibus për nevojat e administratës komunale dhe klubeve sportive lokale.

Njoftimi është publikuar në Gazetën Zyrtare dhe të gjithë të interesuarit mund të marrin pjesë duke paraqitur oferta nëpërmjet platformës e-stvari.mk.