Optimizmi rreth armëpushimit mes SHBA-së dhe Iranit u zbe pasi Teherani njoftoi se disa kushte të marrëveshjes ishin shkelur, duke shkaktuar rënie të aksioneve dhe rritje të çmimit të naftës në tregjet globale.

Berzat aziatike ranë me 0.9%, ndërsa Wall Street dhe indekset evropiane shënuan rënie prej 0.2%, duke i dhënë fund relit katërditor global të berzave. Nafta e papërpunuar Brent u rrit me 2.4% dhe arriti rreth 97 dollarë për fuçi, duke u rimëkëmbur pas rënies më të keqe në gjashtë vitet e fundit.

Lëvizja e kufizuar nëpër Ngushticën e Hormuzit vazhdon t'i shtrenjtojë çmimet e naftës. Analistët paralajmërojnë se qëndrueshmëria e armëpushimit tashmë po testohet në terren.

Gjithashtu, pothuajse një miliardë dollarë u investuan në rënien e çmimit të naftës vetëm disa orë para shpalljes së armëpushimit. Gjithsej 8,600 kontrata për Brent dhe naftën amerikane u shitën rreth orës 19:45 sipas Griniçit, gjë që ngre pyetje nëse dikush kishte informacione paraprake për kthesën diplomatike.

Bisedimet e drejtpërdrejta mes SHBA-së dhe Iranit janë caktuar për të shtunën në Islamabad, ku delegacionin amerikan do ta udhëheqë nënkryetari JD Vance. Obligacionet shtetërore amerikane mbetën të qëndrueshme pas fshirjes së fitimeve të hershme.