Bitcoin u rrit mbi 72,700 dollarë pas armëpushimit mes SHBA dhe Iranit

Bitcoin shënoi rritje të ndjeshme dhe e kaloi kufirin prej 72,700 dollarësh, duke iu afruar nivelit prej 73,000 dollarësh, pas njoftimit të presidentit amerikan Donald Trump për armëpushim dyjavor me Iranin.

Lëvizja e tregut shkaktoi likuidime masive në vlerë të përgjithshme prej afërsisht 595 milionë dollarësh tek mbi 118,000 tregtarë. Pozicionet e shkurtra pësuan humbje prej 427 milionë dollarësh kundrejt 168 milionë dollarësh tek pozicionet e gjata, gjë që tregon se tregu ishte pozicionuar dominantisht për rënie para kthesës së papritur.

Likuidimi më i madh individual arriti 11.79 milionë dollarë - pozicion i shkurtër BTC-USDT në berzën Binance. Bitcoin kontribuoi me 245 milionë dollarë në likuidimet e përgjithshme, ndërsa Ethereum shënoi likuidime prej 126 milionë dollarësh.

Vetëm një javë më parë, indeksi i frikës dhe lakmisë shënonte vlerën e vetëm 8 - pesimizëm ekstrem tek investitorët. Kthesa e menjëhershme e ndjesisë pas zhvillimit diplomatik shkaktoi një nga periudhat më intensive 12-orëshe të likuidimeve me gjithsej 508 milionë dollarë.

Armëpushimi mbetet i kushtëzuar - Irani konfirmoi ndalimin e përkohshëm të armiqësive, por me kufizime lidhur me Ngushticën e Hormuzit dhe lëvizjen e tankerëve. Tregu i kriptovalutave vazhdon t'i ndjekë ngjarjet gjeopolitike si tregues kyç për ndjesinë e investitorëve.