Zëvendëskryeministri dhe Ministri i Transportit dhe Lidhjeve Aleksandar Nikoloski mbajti disa takime të nivelit të lartë në Departamentin e Shtetit të SHBA-së, ku diskutoi forcimin e marrëdhënieve ndërmjet Maqedonisë dhe Shteteve të Bashkuara.

Nikoloski theksoi se SHBA është partneri strategjik numër një i Maqedonisë dhe vendi që jep mbështetjen më të madhe. Diskutimet u përqendruan në projektet infrastrukturore, veçanërisht Korridorin Paneuropian 8 dhe Korridorin Paneuropian 10, të cilët kalojnë nëpërmjet Maqedonisë dhe luajnë rol të rëndësishëm në lidhshmërinë rajonale dhe zhvillimin ekonomik.

Gjithashtu, u shqyrtuan mundësitë për lidhjen e një marrëveshje tregtare që do të mundësonte aktivitet më të madh biznesi dhe shkëmbim tregtar më të madh ndërmjet dy vendeve. "Partneriteti strategjik duhet të nënkuptojë prosperitet, përparim, siguri dhe forcim të vlerave pro-perëndimore në Maqedoni", tha Nikoloski.

Gjatë vizitës, Nikoloski mori pjesë gjithashtu në Forumin e Bankës Botërore, ku foli për rëndësinë e Korridoreve 10 dhe 8 për lidhjen e rajonit me hapësirën europiane më të gjerë.