Drejtori i Fondit për Sigurim Pensional dhe Invalidor (PIOM), Nikola Memov, i siguroi qytetarët se sistemi pensional nuk mund të kolapsojë pasi shteti me ligj i garanton pagesat e pensioneve.

\'Derisa ekziston shteti, pensionet do të vazhdojnë të paguhen\', deklaroi Memov, duke theksuar se çdo deficit në fond mbulohet drejtpërdrejtë nga buxheti i shtetit.

Megjithatë, shifrat tregojnë trend shqetësues. Raporti punëtor-pensionist është 1,64 punëtorë për një pensionist, në rënie nga 1,86 në vitin 2016. Për vitin 2026, transfertat shtetërore ndaj fondit janë planifikuar në 62,8 miliardë denarë (afërsisht 1 miliardë euro).

Prej tyre, rreth 30 miliardë denarë shkojnë për mbulimin e rritjes së pensioneve prej 7.000 denarë në muaj, 13,7 miliardë për shëndetësinë e pensionistëve dhe 19,6 miliardë për shpenzimet e tranzicionit ndaj kompanive pensionale të shtyllës së dytë.

Pensionet shënojnë rritje të konsiderueshme - nga shtatori 2024 deri në prill 2026 u rritën për 7.000 denarë në muaj, me rritje nominale prej 36 përqind, ndërsa pensionet minimale u rritën për 68 përqind, nga 13.200 në 20.888 denarë.