Një tragjedi tronditi Velika Goricën në Kroaci - një grua kreu vetëvrasje duke u hedhur nga një ndërtesë në qendër të qytetit, ndërsa policia gjeti trupin e vajzës së saj 17-vjeçare në banesën e saj.

Ndërtesa e banimit ishte e rrethuar me shirit policor, ndërsa fqinjët e tronditur deklaruan se "asgjë kaq e tmerrshme nuk kishte ndodhur kurrë" në lagjen e tyre të qetë.

Sipas informacioneve paraprake, hetimi ka përcaktuar se nëna fillimisht vrau vajzën e mitur, dhe pastaj kreu vetëvrasje duke u hedhur nga ndërtesa. Motivet e sakta janë ende objekt i hetimit.

Ekipet policore dhe ekspertët e mjekësisë ligjore po punojnë për sqarimin e plotë të rrethanave të tragjedisë, e cila ka shkaktuar tronditje të thellë në komunitet dhe më gjerë në rajon.