Partia opozitare hungareze Tisza prin para Fidesz-it qeverisës të kryeministrit Viktor Orban dy ditë para zgjedhjeve parlamentare të caktuara për të dielën, sipas sondazheve më të fundit të publikuara në gazetën Nepszava.

Orbani përballet me sfidën më të madhe në qeverisjen e tij 16-vjeçare, por numri i madh i votuesve të pavendosur do të thotë se rezultati i zgjedhjeve mbetet i pasigurt.

Tisza, e udhëhequr nga ish-insajderi qeveritar Peter Magyar, gëzon mbështetjen e 52 përqind mes votuesve të vendosur, ndërsa Fidesz-i mbështetet nga 39 përqind, sipas rezultateve të sondazhit të institutit Publicus në të cilin morën pjesë 1.000 të anketuar.

Kur merren parasysh të gjithë votuesit, 38 përqind mbështesin Tiszën dhe 29 përqind Fidesz-in. Rreth 25 përqind e të anketuarve deklaruan se ende nuk kanë vendosur se kë do të mbështesin.

Zgjedhjet në Hungari ndiqen me vëmendje të veçantë nga Bashkimi Evropian dhe vendet fqinje, duke pasur parasysh politikën e jashtme kontroverse të Orbanit dhe marrëdhëniet e tij të ngushta me Moskën dhe Pekinin.