Një ushtar francez u vra dhe gjashtë të tjerë u plagosën në sulm me dron ndaj bazës ushtarake në rajonin Erbil në Irakun verior, ku forcat franceze kryejnë operacione kundërterroriste kundër Shtetit Islamik. Presidenti francez Emmanuel Macron dënoi ashpër sulmin.

"Ky sulm ndaj forcave tona, që luftojnë kundër Daeshit që nga 2015-a, është i papranueshëm. Lufta në Iran nuk mund të arsyetojë sulme të tilla" - Macron shkroi në platformën X. Ai theksoi se prania e Francës në Irak është vetëm brenda kuadrit të luftës kundër terrorizmit.

Sulmuesit përdorën dy dronë ndaj bazës afër Mahmur, afërsisht 40 kilometra jugperëndim të Erbilit. Të plagosurit u evakuuan në institucione mjekësore. Guvernatori i Erbilit i quajti sulmuesit "milici terroriste në Irak", duke kritikuar qeverinë irakiane për mos marrjen e masave serioze.

Irani dhe milicite proiraniane në Irak kanë sulmuar vazhdimisht bazat e Koalicionit Global të udhëhequr nga SHBA-të që kur filloi konflikti amerikano-izraelit me Iranin. Franca ka qindra ushtarë në rajonin e Erbilit si pjesë e koalicionit ndërkombëtar.