Sllovenia po përgatitet për zgjedhje vendimtare ku do të përballen kryeministri aktual Robert Golob dhe ish-kryeministri Janez Jansha, në një garë që ka marrë tona gjithnjë e më të ashpra.

Fushata elektorale është tronditur nga akuzat e lidhjeve me firmën kontroverse të inteligjencës Black Cube, e njohur për operacionet e saj të fshehta në emër të klientëve politikë dhe korporativë.

Golob ka akuzuar palën e Janshës për përdorim të shërbimeve të Black Cube për të mbledhur informacione kundër kundërshtarëve politikë, ndërsa Jansha e ka hedhur poshtë akuzën duke e cilësuar si propagandë.

Zgjedhjet mbahen në një kohë veçanërisht të vështirë për Slloveninë, e cila po përballet me krizën e karburantit dhe pasigurinë ekonomike. Rezultati do të ndikojë drejtpërdrejt në politikat energjetike dhe të jashtme të vendit.