Sllovenia hyri në heshtje parazgjedhore para zgjedhjeve parlamentare të së dielës në të cilat rreth 1,7 milionë qytetarë do të votojnë për 88 deputetë. Gara është e ngushtë, ndërsa rezultati i pasigurt.

Anketat e fundit tregojnë se lëvizja qeveritare e majtë-liberale "Lëvizja Liri" e kryeministrit Robert Golob prin me diferencë të ngushtë, pjesërisht falë skandalit të spiunazhit që e tronditi opozitën.

Agjencia sllovenase e zbulimit SOVA prezantoi prova materiale para Këshillit për Siguri Kombëtare se përfaqësues të firmës private izraelite të zbulimit "Black Cube" e kishin vizituar selinë e SDS-së të Janez Janshës në Lubjanë në dhjetor.

Video anonime të sllovenëve të shquar në takime biznesi jashtë vendit kohët e fundit qarkulluan online, ndërsa më vonë u tregua se ishin fabrikime të lidhura me kompani joekzistuese.

Pavarësisht rezultateve, formimi i qeverisë së re pritet të zgjasë për shkak të marzheve të ngushta ndërmjet bllokut të majtë-liberal dhe atij të djathtë politik.