Byroja Federale e Hetimit (FBI) paralajmëroi forcat policore të Kalifornisë se Irani mund të hakmerret ndaj sulmeve amerikane duke lëshuar dronë kundër objektivave në bregdetin perëndimor të Shteteve të Bashkuara, raportojnë mediat amerikane.

Paralajmërimi erdhi në momentin kur administrata e Trumpit lëshoi goditje ndaj Republikës Islamike të Iranit. Irani u përgjigj me sulme me dronë ndaj objektivave në të gjithë Lindjen e Mesme.

Sipas një buletini të shpërndarë në fund të shkurtit: "Kemi marrë informacione që tregojnë se në fillim të shkurtit 2026, Irani gjoja synonte të kryente sulm surprizë me automjete ajrore të pa pilotuar nga një anije e panjohur pranë bregdetit amerikan, duke synuar konkretisht vendndodhje të pa specifikuara në Kaliforni, nëse Shtetet e Bashkuara do të kryenin sulme ndaj Iranit."

Zëdhënësi i FBI Los Angeles refuzoi të komentonte. Shtëpia e Bardhë gjithashtu nuk u përgjigj ndaj kërkesave për komentim. Shërbimet e inteligjencës amerikane po shprehin shqetësim në rritje për përdorimin e shtuar të teknologjisë së dronëve nga kartelet meksikane dhe mundësinë që ky pajisje të përdoret kundër forcave dhe personelit amerikan.