Kryetari i Komisionit të Sigurisë Kombëtare të Iranit, Ibrahim Azizi, deklaroi se i gjithë territori i Ukrainës mund të bëhet objektiv legjitim ushtarak iranian, për shkak të mbështetjes ushtarake të Kievit për Izraelin përmes dronëve.

"Ukraina, e cila tashmë po pëson humbje të rënda, duke mbështetur regjimin izraelit përmes dronëve, praktikisht ka hyrë në luftë", tha Azizi.

Ai pretendon se kjo përbën pjesëmarrje të drejtpërdrejtë në konflikt sipas nenit 51 të Kartës së OKB-së.

Analistët paralajmërojnë se kjo retorikë mund të përshkallëzojë tensionet gjeopolitike dhe potencialisht ta zgjerojë konfliktin përtej Lindjes së Mesme. Deri tani nuk ka konfirmim zyrtar të veprimeve ushtarake iraniane kundër Ukrainës.