Dy këmbësorë u therën me thikë në qytetin austriak të Lincit, ku njëri vdiq dhe tjetri u plagos rëndë.

Autoritetet lokale thanë se sulmuesi i dyshuar u arrestua menjëherë pas incidentit. Motivi mbetet i paqartë, ndërsa policia planifikon të publikojë detaje shtesë për viktimat dhe të dyshuarin gjatë ditës.

Gazeta lokale Kronen Cajtung publikoi informata të pakonfirmuara se sulmuesi kishte thirrur fyerje kundër myslimanëve dhe se një dëshmitar e kishte parë duke qëndruar në mes të rrugës, duke bllokuar përkohësisht trafikun.

Shërbimet e sigurisë austriake vazhdojnë hetimin për të përcaktuar nëse sulmi ishte i motivuar nga urrejtja ose ka sfond tjetër.