Kryeministri izraelit Benjamin Netanjahu publikoi një video të re ku shihet duke shëtitur mes kafeneve në një pikë panoramike në Jeruzalem dhe duke biseduar me kalimtarë.

Regjistrimi thuhet se është bërë të dielën, pasi Netanjahu është i veshur me të njëjtën veshje si në regjistrimet e mëparshme nga kafeneja, transmetojnë mediat.

Në video, lideri izraelit thekson rëndësinë e daljes në ajër të pastër, dhe pastaj pyet kalimtarët se ku është strehimi më i afërt.

Në fund të regjistrimit, Netanjahu u bën thirrje qytetarëve të jenë të duruar gjatë konfliktit me Iranin, duke i inkurajuar të ruajnë rutinat e përditshme brenda udhëzimeve të sigurisë.

Videoja u përhap shpejt në rrjetet sociale, duke nxitur reagime të ndryshme - nga mbështetja dhe humori te izraelitët deri te teori të reja konspiracioni nga ata që pretendojnë se përmbajtja është e falsifikuar.