Serbia hapi një çështje të re sigurie dhe politike në Ballkan pasi presidenti Aleksandar Vuçiç konfirmoi se vendi kishte blerë raketa kineze CM-400AKG, pas publikimit të fotografive të MiG-29 me armatim të ri.

Beogradi u bë shteti i parë evropian për të cilin konfirmohet se e posedon këtë sistem, duke shkaktuar menjëherë nervozizëm rajonal. Raportet publike për CM-400AKG tregojnë shifra të ndryshme për rrezen - disa analiza përmëndin afërsisht 240-250 kilometra për versionet e eksportit, ndërsa burime të tjera përmëndin rreze deri në 400 kilometra.

Kroacia tashmë e ka ngritur çështjen në NATO, ndërsa ministri i mbrojtjes i Kosovës e akuzoi Vuçiçin se gënjen për raketat. Komisioni Evropian i drejtoi një paralajmërim Serbisë, duke theksuar se rruga evropiane kërkon zgjedhje të qarta strategjike.

Për Maqedoninë, kjo nuk bart implikim të drejtpërdrejtë praktik ushtarak, por ka rëndësi të qartë sigurie. Kur territoret fqinje blejnë armatim me rreze më të madhe, më të shpejtë dhe më të vështirë për përgjim, psikologjia e pengimit rajonal ndryshon. Ballkani hyn në një fazë ku nuk maten vetëm ushtritë dhe buxhetet, por mesazhet, simbolizmi dhe frikërat.