Federata e Automobilizmit e Maqedonisë sot organizoi relin e shtatë tradicional të grave në Shkup, i cili bashkoi gratë dashamirëse të motorsportit, adrenalinës dhe shpirtit ekipor.

Për pjesëmarrje u regjistruan mbi 100 pjesëmarrëse, ndërsa ngjarja filloi në orën 10:30 në parkimin e madh të QS Boris Trajkovski.

Ekipet e përbëra nga shoferja dhe bashkëshoferja kaluan rrugën qytetare, pastaj treguan aftësinë pas timonit në etapën e dytë - vozitje e shkathët në parkim të mbyllur në kushte të sigurta, mes konusave.

Reli i grave ka për qëllim të promovojë rolin e grave në motorsport, punën ekipore dhe energjinë pozitive, si dhe të ngrejë ndërgjegjësimin për sigurinë në trafik, thonë organizatorët nga Federata, anëtare e Federatës Botërore të Automobilizmit (FIA).