Presidenti amerikan Donald Trump deklaroi se Irani dëshiron marrëveshje për armëpushim, por se ai nuk është i gatshëm ta pranojë sepse kushtet ende nuk janë mjaft të mira.

Në një intervistë për NBC, Trump refuzoi të specifikojë cilat kushte ka parasysh, por theksoi se heqja dorë e Iranit nga ambiciet bërthamore do të ishte pjesë e marrëveshjes së mundshme. Irani dëshiron marrëveshje, por unë nuk dua ta bëj, sepse kushtet ende nuk janë mjaft të mira, tha Trump.

Në samitin e G7, Trump u tha liderëve se Irani së shpejti do të dorëzohet dhe se e ka zgjidhur problemin që u kërcënonte të gjithëve. Ai gjithashtu pretendoi se SHBA-ja e kishte shkatërruar plotësisht ishullin Harg, kyç për eksportin iranian të naftës.

Trump shtoi se lufta me Iranin do të përfundojë kur ta ndiejë në eshtra se ka ardhur momenti i duhur, duke hedhur poshtë shqetësimet për rritjen e çmimeve të naftës me pretendimin se ka furnizim të mjaftueshëm.