Vesna Zmijanac më 28 nëntor në orën 20 performon në Arenën „Boris Trajkovski“ në Shkup me turneun „Golden Tour - I da imam sto života“ („Edhe sikur të kisha njëqind jetë“). Për shkak të interesimit të madh, koncerti është zhvendosur nga vendi i paralajmëruar fillimisht në Arenë.

Zmijanac ka lindur në vitin 1957 në Nikshiq, ndërsa hitin e parë „Nevera moja“ e ka nga viti 1975. Pasuan „Kad zamirišu jorgovani“, „Svatovi“ dhe „Malo po malo“. Me rreth 6,7 milionë mbartës zëri të shitur është ndër këngëtaret më të njohura të ish-Jugosllavisë, ndërsa publiku e quan „Mbretëresha e trishtimit“ për shkak të baladave emocionale e melankolike.

Në maj të vitit 2026 i festoi pesëdhjetë vitet në skenë me tri koncerte radhazi në Arenën e Beogradit. Në vitin 2020 u shpall artiste kombëtare e muzikës e Serbisë. Koncerti i Shkupit është pjesë e turneut jubilar - pesë dekada balada për zemra të thyera, në një sallë me disa mijëra vende.

Biletat fillojnë nga 700 denarë dhe shiten përmes kupikarta.com.