Një 53-vjeçar nga Zhelina dyshohet se me një automjet plot me dru zjarri tentoi të godasë një polic pyjor

Policia Pyjore në territorin e Zhelinës së Tetovës më 13 nëntor, rreth orës 13:40, i dha shenjë të ndalet shoferit të një „fordi“ pa targa regjistrimi, të ngarkuar me dru zjarri. Shoferi, sipas MPB-së, nuk u ndal. E rriti shpejtësinë dhe me automjetin tentoi të godasë njërin nga policët pyjorë, e pastaj u largua.

Më 13 nëntor, në orën 21, policët nga Stacioni Policor Grupçin e privuan nga liria Z.Xh. (53) nga Zhelina. Pas sqarimit dhe dokumentimit të plotë të rastit, kundër tij do të ngrihet kallëzim përkatës.

Një makinë pa targa, plot me dru, në mes të ditës, dhe një shofer që para shenjës së policisë zgjodhi gazin në vend të frenave. Nëse drutë ishin prerë ligjërisht, MPB-ja për momentin nuk thotë. Por nëse dikush është i gatshëm të nisë me automjet drejt një polici pyjor për një ngarkesë dru zjarri, sa vlente ai dru, e sa jeta e njeriut në uniformë?