A MENDON ENDE BRANE PETRUSHEVSKI SE ËSHTË OPOZITË?

Deputeti i VMRO-DPMNE-së, Brane Petrushevski, doli me akuza se në vitin 2019 përmes Eurostandard Bankës janë realizuar transaksione të dyshimta prej 110 milionë eurosh, të lidhura me Venezuelën. Por Petrushevski me sa duket po harron një fakt të rëndësishëm - partia e tij prej më shumë se dy vjetësh e udhëheq Qeverinë. Nëse ekzistojnë prova për transaksione të tilla financiare, publiku ka të drejtë të dijë nëse institucionet kompetente kanë hapur hetim, cilët persona përfshihen dhe çfarë rezultatesh janë arritur. Në vend të akuzave të reja politike, nga partia në pushtet priten informacione konkrete për veprimet e institucioneve. Pyetja nuk është më vetëm çfarë ndodhte në vitin 2019, por edhe çfarë ka ndërmarrë pushteti aktual nga viti 2024 deri sot. Pushteti ka mekanizma institucionalë për të kërkuar përgjegjësi. Prandaj publiku meriton rezultate, e jo vetëm konferenca të reja për shtyp.