Trendi i ri në grim s'ka as shkëlqim, as mat - por diçka në mes. „Cloud skin”, ose lëkurë si re, është një qasje minimaliste që fokusohet te një lëkurë e shëndetshme e shndritëse pa grim të tepërt. Grimerja Kristina G. Nuevo, që përfaqëson markën Planet Skin, e përshkruan thjesht: „lëkurë e bukur pa teprime në grim”. Dhe pikërisht prandaj është veçanërisht efektive te gratë mbi 40 vjeç.

Thelbi është te ekuilibri. Jo shumë e shndritshme që të mos shkëlqejnë poret e rrudhat e imta, jo shumë e thatë që lëkura të mos duket e tendosur. Rezultati është një teksturë vizualisht e butë, me pore të imta dhe dritë natyrale që vjen nga përgatitja e lëkurës, jo nga një hajlajter i dukshëm. „Në 40 e 50 vjeç funksionon shkëlqyeshëm sepse s'e tendos dhe s'e than vizualisht lëkurën”, thotë Nuevo.

Si arrihet? Së pari, përgatitja - formula të lehta por hidratuese, pa e ngopur tepër. Në vend të bazave të rënda, përdoren baza fluide, krema me ton ose formula të lehta gjysmë-mat, dhe ato të vendosura në mënyrë selektive, jo në gjithë fytyrën. Korrektori vihet vetëm aty ku duhet - nën sy, rreth hundës, mbi skuqje të vogla. Çdo gjë tjetër i lihet lëkurës të flasë vetë.

Për ngjyrë e teksturë, ja çelësi: të kuqërremtit dhe bronzeri në formë kremi ose të lëngshme, që të shkrihen natyrshëm në lëkurë pa vija të forta. Pudër - vetëm në T-zonë, përndryshe humbet finitura e butë. Kjo është gjithë „shkenca” pas trendit që e mbajnë Elsa Pataki dhe Penelope Kruz. Më pak produkt, më shumë përgatitje - e kundërta e asaj që industria kozmetike zakonisht do të shesë.