Në Nov Dojran po gërmohet. Komuna e Dojranit ka nisur sanimin e rrjetit të ujësjellësit në disa lokacione në vendbanim, me qëllim, siç thonë, që të sigurojë presion më të qëndrueshëm dhe furnizim më të mirë me ujë deri te shtëpitë.

Po vendoset rrjet i ri ujësjellësi dhe lidhje të reja pikërisht aty ku prishjet kanë qenë më të shpeshta deri tani. „Me këtë ndërhyrje u jepet fund prishjeve të shpeshta, përmirësohet dhe stabilizohet furnizimi me ujë“, thonë nga Komuna, duke shtuar se do të ulen edhe shpenzimet e mirëmbajtjes dhe ndërprerjet e furnizimit.

Komuna paralajmëron se investimet në rrjetin e ujësjellësit dhe të kanalizimit do të vazhdojnë aty ku ka nevojë.

Është mirë kur tubat ndërrohen para se të plasin, e jo pas. Por në njoftim nuk ka as vlerë, as afat. Në një qytet buzë liqenit, uji i rubinetit nuk duhet të jetë çështje fati - sa banorë i kanë duruar deri tani ato „prishje të shpeshta“ para se dikush të sillte ekskavatorin?