EVN - SHTETI KA 10%, HIDROCENTRALET JANË DHËNË, NDËRSA KONTRATAT DHE ARKËTIMET MILIONËSHE MBETEN LARG SYVE TË PUBLIKUT!

Njëzet vjet pas privatizimit të elektrodistribucionit, publiku ende nuk ka pasqyrë të plotë në kontratën për shitjen e EVN-së, në menaxhimin e pjesës shtetërore prej 10% dhe në detyrimet financiare të marra gjatë privatizimit. Përveç kësaj, hapet pyetja për hidrocentralet e vogla të dhëna EVN-së dhe nëse ato kanë qenë pjesë e mekanizmit për mbulimin e humbjeve në sistemin e elektrodistribucionit. EVN dhe Elektrodistribucija u arkëtojnë qytetarëve dhe kompanive për lidhje dhe infrastrukturë rrjeti, por publiku nuk ka pasqyrë të plotë sa para janë arkëtuar, sa është investuar dhe sa vlerë infrastrukture është marrë nga investitorët privatë. Edhe pse një pjesë e tarifave rregullohen publikisht, rrjedhat konkrete financiare dhe kushtet kontraktuale mbeten jo mjaftueshëm transparente. Nëse shteti ka 10% në EVN, kush i kontrollon interesat e tij? Pse kontrata e plotë e privatizimit dhe aneksët e saj nuk janë publikisht të qasshme? Sa ka fituar EVN nga hidrocentralet e vogla dhe sa milionë euro u ka arkëtuar qytetarëve dhe investitorëve për lidhje? Rrjeti elektrik është infrastrukturë me interes publik. Qytetarët kanë të drejtë të dinë ku përfundojnë paratë që paguajnë! Sipas raportit zyrtar vjetor të KRE-së për vitin 2025:

• 7.102 ankesa paraqitën amvisëritë drejtpërdrejt te furnizuesi universal.
• 1.111 procedura sipas ankesave nga fusha e energjisë elektrike u zhvilluan para KRE-së, që është rritje prej 132,4% krahasuar me vitin 2024.
• 114 procedura para KRE-së, nga të gjitha fushat energjetike së bashku, u iniciuan nga persona juridikë.
• 141 parashtresa për energjinë elektrike u evidentuan te Avokati i Popullit.