Потрагата по следниот Џејмс Бонд повторно ја разгорува јавноста, а според најновите податоци од обложувалниците, британскиот актер Калум Тарнер се појавува како изненадувачки фаворит за престижната улога. Тарнер, познат по серијата „Вечноста“ и вереник на пејачката Дуа Липа, повторно е во фокусот на медиумите откако компанијата „Корал“ ги намали неговите квоти од 5-2 на 7-4, поради големо зголемување на облозите во изминатите 24 часа.

Иако Тарнер не беше меѓу најистакнатите имиња во претходните шпекулации, неговата неодамнешна улога како романтичен партнер на Елизабет Олсен повторно ги зајакна гласините дека токму тој би можел да биде новиот агент 007.

Кој сè е во трката за Бонд?

И покрај ненадејниот раст на популарноста на Тарнер, и другите кандидати остануваат високо на листите. Моменталните квоти на „Корал“ се следниве:

• Арон Тејлор-Џонсон – 3-1

• Тео Џејмс – 3-1

• Хенри Кавил – 6-1

• Ентони Бојл – 10-1

• Харис Дикинсон – 12-1

• Џек Лоуден – 16-1

• Џејмс Нортон – 16-1

Овие имиња се споменуваат со месеци, но променливите квоти и зголемените обложувања покажуваат дека јавноста и понатаму е силно заинтересирана за изборот на следниот Бонд.

По преземањето на Бонд-франшизата од „Амазон МГМ Студиос“ и повлекувањето на долгогодишната продуцентка Барбара Броколи, иднината на серијалот кратко беше неизвесна. Сепак, официјално е потврдено дека новото продолжение веќе е во подготвителна фаза.

Новиот филм ќе го режира реномираниот Денис Вилнев, познат по „Дина“, а сценариото ќе го пишува Стивен Најт, креаторот на хит серијата „Peaky Blinders“.

Според информации на „Дејли дејл“, Вилнев има три клучни критериуми за избор на новиот Бонд:

• да биде машко,

• да биде Британец,

• и да биде релативно непознато лице во глобалната филмска индустрија.

Овие критериуми можат да ги намалат шансите за најголемите холивудски ѕвезди, но значително го зголемуваат потенцијалот на Тарнер да стане следниот таен агент 007.