Иако светот дознал за смртта на актерот Ерик Дејн дури пред неколку дена, тивките докази за длабоките пријателства за кои никој не знаел излегоа на виделина дури по неговото заминување. Меѓу нив — и трогателен гест на еден од најголемите имиња во Холивуд.

Во периодот кога Дејн се борел со амиотрофичната латерална склероза и неговата состојба непрекинато се влошувала, Џони Деп му ја отстапил сопствената куќа, нудејќи му простор, приватност и достоинство во последните месеци од животот. Гестот, кој долго останал скриен, откри само дел од тоа колку луѓето околу него се грижеле навистина.

Денови по смртта, колегата и пријателот Патрик Демпси, познат по улогата на д-р Дерек Шепард во истата серија, откри потресни детали за последните недели. „Тој беше во постела и сè потешко го голташе. Способноста да зборува ја губеше полека. Квалитетот на животот му се влошуваше со страшна брзина”, порача Демпси.

Двајцата актери изградиле цврсто пријателство преку заедничката работа во популарната медицинска серија, во која Дејн ја имаше улогата на д-р Марк Слоун. „Тој беше најсмешниот човек — беше вистинска привилегија да се работи со него. Сакам да го памтам во таа светлина”, заклучи Демпси.

Дополнителна емотивна нота во тажните денови беше и видео пораката на Дејн до неговите ќерки, снимена однапред и објавена само еден ден по неговата смрт — последни зборови на татко во кои им го оставил она најважното.

Ерик Дејн ја прими дијагнозата за АЛС помалку од година пред смртта, но и во тој период активно подигаше свест за оваа смртоносна болест. „Тој направи невероватна работа во своите последни денови”, истакна Демпси.