Народниот театар Битола вечерва ја премиерира претставата „Пинокио” по Карло Колоди, во режија на Дејан Дамјановски. Во главната улога на дрвениот луткар кој соништа да стане вистинско момче ќе настапи актерот Никола Стефанов.

Ова е прв пат по 30 години Народниот театар Битола да постави „Пинокио” на главната сцена. Последниот пат тоа беше во 1996 година, кога главната улога ја одиграла актерката Валентина Грамосли. Таа и денес е во поставата – но сега во улогата на Цвичок (Совеста), водичот на дрвениот луткар.

„Порано бев наивна луткичка која оживува. Сега сум совест на таа дрвена луткичка. Тешко е да бидеш нечија совест, но верувам – кога секој би имал свој цвичок, светот ќе беше подобар”, рече Грамосли.

Во поставата учествуваат и актерите Марјан Ѓорѓиевски, Јулијана Мирчевска, Маја Андоновска Илиевски, Катерина Аневска Дранговска и Александар Димитровски, заедно со деца од театарската школа „Бабец”. Претставата е наменета за публика на возраст од 7 до 77 години.

Директорот на театарот истакна дека оваа продукција претставува значаен момент во годината на прославата на стогодишнината на Народниот театар Битола – институција која и понатаму останува живо жариште на македонската театарска сцена.