Цените на нафтата на светските берзи продолжуваат со вртоглавиот раст, при што минатата недела на лондонскиот пазар беше забележан скок од 8,8 проценти, достигнувајќи 112,19 долари за барел.

Ескалацијата произлегува од тензиите на Блискиот Исток и нарушениот извоз преку критичниот Хормушки Теснец. Цените на нафтата пораснаа на 113 долари за барел бидејќи трговците се плашат дека инфраструктурата може да стане мета на напади.

Од почетокот на годината, лондонските цени на нафтата порасноа за неверојатни 83 проценти. Експертите предупредуваат дека доколку нарушувањата на извозот продолжат, „барелот може да достигне до 150 долари во наредните месеци”.

Директорот на Меѓународната агенција за енергија изјави дека кризата на Блискиот Исток е значително потешка од комбинираните нафтени шокови од 1970-тите.

Додека американските пазари покажуваат скромен пад поради зголемените домашни резерви, Европа се соочува со значителна загриженост бидејќи во голема мера зависи од нафтата од овој кризен регион.