Најмалку 66 лица загинаа во пад на воен транспортен авион од типот Херкулес Ц-130 во јужна Колумбија. Авионот се урнал кратко по полетувањето од воена база во амазонскиот регион, во близина на границата со Перу.

Колумбискиот министер за одбрана Педро Санчез изјави дека точниот број на жртви и причините за падот допрва треба да се утврдат. Според првичните информации, во авионот се наоѓале околу 110 припадници на вооружените сили.

Инцидентот се случил приближно три километри од урбан центар. Спасувачките екипи се упатени на местото на несреќата, а истрагата за причините е во тек. Ова е една од најтешките воени авионски несреќи во Колумбија во последните децении.