Кризата на Блискиот Исток може да има ограничено влијание врз дел од дестинациите од македонските аеродроми, соопштија од ТАВ Македонија. Засега не се очекуваат поголеми нарушувања на воздушниот сообраќај.

Единствена промена е одлуката на Виз Ер да ја укине редовната линија Скопје-Ларнака од 13 април, која ќе продолжи да работи само сезонски во летните месеци.

„Не очекуваме значителни промени во вкупниот број летови и патници”, изјави генералниот директор Неџат Курт, посочувајќи дека најголемиот дел од сообраќајот на аеродромите во Скопје и Охрид е насочен кон Западна и Северна Европа, а не кон Блискиот Исток.

ТАВ Македонија извести за успешна 2025 година и силна зимска сезона, со очекувања за стабилен раст и проширување на мрежата на дестинации во наредниот период.