Стојанче Јовановски, обвинет дека ја навел сопругата Ивана да скокне од шестиот кат заедно со шестгодишната ќерка, се смешкаше во судницата додека обвинителката Адела Бојчевиќ ги читаше деталите за малтретирањето.

Обвинителството опиша долга историја на физичко и психичко насилство. Стојанче систематски ја тепал, навредувал и заканувал Ивана, а во еден момент ја довел до состојба на несвест. Насилството продолжило до моментот на трагедијата.

Кога судијата го праша дали се смета за виновен, Јовановски ги промени емоциите и почна да плаче. Судењето предизвика огромно внимание на јавноста, со оглед на тежината на обвиненијата и трагичниот исход на случајот.

Обвинетиот се соочува со тешки кривични обвиненија за наведување на самоубиство и семејно насилство. Судењето продолжува со сослушување на сведоци и презентирање на докази.