Секторот за компјутерски криминал при Бирото за јавна безбедност на МВР спроведе координирана акција на повеќе локации во земјата за собирање докази за производство и дистрибуција на детска порнографија.

Истовремени претреси се извршени на седум локации, во координација со подрачните единици во Битола, Охрид и Струмица. Ќе бидат запленети компјутерска опрема и податоци за потребите на натамошната постапка.

Еден од осомничените, идентификуван како Б.К. од Струга, е претседател на здружение и водител на подкаст со студио во Скопје.

Акцијата е спроведена согласно член 193-а од Кривичниот законик кој ги третира делата поврзани со детска порнографија.