Вчера попладне во скопски Центар се случил вознемирувачки инцидент во кој 12-годишно дете било нападнато и избодено со остар предмет. Според информациите од Министерството за внатрешни работи, настанот се случил околу 15:50 часот, кога Г.М. (39) од Скопје пријавил дека неговиот малолетен син бил физички нападнат од лице со иницијали Б.Љ.

Нападот се случил по вербална расправија, при што напаѓачот му нанел расекотина на детето и му го оштетил велосипедот. Повреденото момче било веднаш пренесено во Комплексот клиники „Мајка Тереза“, каде што му била укажана лекарска помош.

Од МВР информираат дека се преземаат сите мерки за целосно расчистување на случајот и пронаоѓање на сторителот.