Инспекциските служби на Агенцијата за храна и ветеринарство извршија 39 вонредни контроли во домови за стари лица во текот на месецов, потврдувајќи подобрување на безбедноста на храната во овие објекти.

Според наодите, само еден објект нема соодветна регистрација како оператор со храна, што претставува значително подобрување во споредба со претходните контроли.

АХВ соопшти дека вонредните инспекции го опфатиле целосниот ланец на подготовка и сервирање храна во домовите, вклучувајќи хигиенски услови, чување на намирниците и трасабилност на производите.

Агенцијата најави дека ќе продолжи со засилените контроли за да обезбеди постојано подобрување на условите за згрижување на повозрасните граѓани.