Христијан Мицкоски е политичарот со убедливо најголема доверба кај граѓаните, со 25,2 проценти, покажува најновата анкета спроведена од агенцијата Маркет Вижн за МКД.мк, реализирана помеѓу 2 и 18 март.

Во однос на гласачките намери за следните избори, ВМРО-ДПМНЕ води убедливо со 24 проценти. На второто место е Вреди со 5,1 отсто, потоа СДСМ со 4,9 проценти и ДУИ со 4,8 отсто. Левица има 3,1 отсто, а ЗНАМ 2,1 процент.

Значајна е бројката дека 28,1 процент од испитаниците изјавиле дека нема да гласаат, додека 9,7 отсто одговориле „не знам”.

Податоците покажуваат стабилна висока поддршка и за Мицкоски и за неговата партија, со значително предводство пред опозициските алтернативи, речиси две години по доаѓањето на власт.