Cafe De Anatolia, глобалниот музички бренд и лидер во Organic House жанрот, за прв пат доаѓа во Скопје на 8 мај со својот CDA SHOW во клубот Public Room.

Основан во 2017 година од Моника Илиева, Никола Илиев и Зоран Илиев, Cafe De Anatolia прерасна во глобален феномен со над 50 под-брендови, каталог од повеќе од 10.000 песни и соработки со над 5.000 артисти. Брендот е прогласен за најпродаван артист и лејбл на Beatport во Organic House за 2024 година, а соработувал со Giorgio Armani, W Hotels, Four Seasons и Radisson Blu.

Вечерта комбинира Organic House и Afro House музика со танцови перформанси и пантомима, а ќе биде промовирано и ексклузивното вино на Cafe De Anatolia. Почеток во 21:00 часот.

Билетите чинат 700 денари и се достапни преку karti.com.mk.