Државната изборна комисија (ДИК) го заклучи Избирачкиот список за локалните избори што ќе се одржат на 19 октомври 2025 година. Вкупно во списокот се запишани 1.832.415 гласачи.

Претседателот на ДИК, Борис Кондарко, изјави дека во редовните избирачки места се евидентирани 1.717.803 гласачи, 112.000 лица со право на глас се на привремена работа или престој во странство, 2.162 се на издржување казна затвор или во притвор, а 450 се лица од домовите за стари лица.

Во земјата постојат 3.480 избирачки места, но во 132 од нив има запишано помалку од десет гласачи, па затоа тие ќе го остварат своето право на глас на најблиското избирачко место.

До ДИК веќе се поднесени и четири барања за меѓународно набљудување на изборите од организации и институции од Грузија, Словачка и Украина.

Со оваа одлука Избирачкиот список е подготвен за изборите на кои граѓаните ќе гласаат за советите на општините, Советот на Град Скопје и за градоначалниците.