Драматична спасувачка акција се одвиваше рано наутро во Струмица кога млада жена падна во провалија под тврдината Цареви Кули. Шест пожарникари-спасители од Територијалната противпожарна единица Струмица успешно ја извлекоа повредената.

Операцијата се одвиваше на локалитетот „Црвен Дол”, на исклучително тежок и непристапен терен. Спасителите користеа два теренски возила, специјализирана алпинистичка опрема и носилки за да стигнат до повредената и безбедно да ја извлечат.

По успешната интервенција, жената беше предадена на медицинските екипи за понатамошен третман. Деталите за нејзините повреди и околностите на инцидентот не се соопштени.

Акцијата уште еднаш ја покажа професионалноста и храброста на македонските пожарникари-спасители кои интервенираат во најтешки услови.