Блокадата на Хормускиот теснец, во сила од 28 февруари, создаде сериозна загриженост за прехранбената безбедност во Дубаи и во целиот регион на Персискиот Залив. Според директорот на логистичката компанија Кихне и Нагел, „Дубаи и поширокиот регион на Заливот увезуваат меѓу 80 и 90 отсто од храната”, а 70 отсто од прехранбените производи во Заливот поминуваат низ Хормускиот теснец.

Свежите прехранбени производи — бобинки, домати, зеленчук, млечни производи — не можат да преживеат алтернативна рута околу Нос добра надеж, кoja го продолжува транзитот на 4 до 6 недели. За разлика од нив, сувите продукти, замрзнатата храна и житариците — кои ОАЕ ги складира во силоси во Фуџajра со капацитет од 300.000 тони — обезбедуваат залихи за 4 до 6 месеци.

Кризата со свежата храна е акутна. Прометот на воздушен товар до Блискиот Исток опадна за 22 отсто во периодот помеѓу 28 февруари и 3 март, а пристаништето Џебел Али, кое опслужува 50 милиони жители, беше погодено со прекини. Полиците во дел од супермаркетите во Дубаи веќе почнаа да покажуваат знаци на празнење.

Аналитичарите предупредуваат дека продолжувањето на кризата ќе предизвика недостиг и раст на цените не само во Дубаи, туку и во Катар, Кувajт, Бахреjн, Ирак и ОАЕ.