Едно лице е убиено, а шест се ранети во оружен напад што се случил за време на прослава на отворено во кампусот на Универзитетот Линколн во американската држава Пенсилванија.

Според властите, лицето кое пукало и го поседувало оружјето е приведено, а истражителите ја разгледуваат можноста дека во нападот можеле да учествуваат и други лица. Сепак, не се верува дека постои активна закана за студентите и персоналот, изјави обвинителот на округот Честер, Кристофер де Барена-Саробе.

„Немаме многу одговори за тоа што точно се случило. Она што можам да го кажам е дека продолжуваме да работиме како да не станува збор за напад со намера да се предизвика широка штета на универзитетскиот кампус,“ изјави Барена-Саробе.

Пукањето се случило пред Меѓународниот културен центар на универзитетот, каде што биле поставени шатори и маси за пикник по завршување на фудбалски натпревар. „Беше хаотична сцена, луѓето трчаа во различни насоки,“ додаде обвинителот.

Властите ги повикаа сите кои имаат видео снимки или информации поврзани со настанот да го контактираат ФБИ и да помогнат во истрагата.

Досега не се објавени детали за идентитетот и состојбата на жртвите, ниту за местото каде што се лекуваат повредените.

Кампусот на Универзитетот Линколн се наоѓа околу 45 милји југозападно од Филаделфија. Истрагата ја водат детективите од округот Честер, со поддршка од државната полиција и ФБИ.