Силни експлозии го потресоа Дубаи рано наутро, а густ чад се вивна над деловниот центар на градот по паѓање остатоци од пресретнат проектил во индустриска зона, соопштија локалните власти.

Пожарот избувна во кварталот Ал Куоз. Медиумскиот уред на дубајската влада соопшти на социјалните мрежи дека инцидентот настанал откако делови од успешно пресретнат проектил паднале врз зграда во централниот дел на градот. “Мал инцидент на фасадата на зграда во централниот дел на Дубаи предизвикан од остатоци по успешно пресретнување” – стои во официјалниот извештај, додавајќи дека нема пријавени повреди.

Густиот чад беше видлив над поголем дел од градот, вклучувајќи ја областа на иконскиот хотел Бурџ Ал Арап. Властите го поврзаа настанот со поширокиот конфликт меѓу САД и Иран кој започна на 28 февруари.