Државата излегува на меѓународниот пазар на капитал со две нови еврообврзници во вкупен износ од една милијарда евра, дознава Пари. Станува збор за две задолжувања од по 500 милиони евра, а интересот кај инвеститорите е повеќе од двојно поголем од понуденото – над 2,5 милијарди евра.

Книгите за упис се веќе отворени, а побарувачката укажува на силен интерес од странските инвеститори.

Првата еврообврзница е со рок на доспевање од четири години, односно до 21 јануари 2030 година, и носи каматна стапка од 4,6 проценти.

Втората, осумгодишна еврообврзница, доспева на 21 јануари 2034 година, а инвеститорите ќе добијат принос од 5,8 проценти.

Ова задолжување е едно од најголемите на меѓународниот пазар во последниот период и повторно го отвора прашањето за јавниот долг и цената на финансирањето на државата.