Речиси третина (35,4%) од онлајн-купувачите во Европската унија наишле на тешкотии при нарачување преку веб-страници или мобилни апликации, покажуваат податоците на Евростат за 2025 година. Во Македонија, 29,41% од купувачите пријавиле проблеми со дигиталните набавки.

Меѓу земјите на ЕУ, највисок удел на потрошувачи со тешкотии е забележан во Малта (64%), Холандија (57,9%) и Луксембург (51,4%). Најмалку проблеми пријавуваат купувачите во Португалија (4,5%), Грција (10,6%) и Латвија (13,3%).

Бавната испорака е најчестиот проблем – речиси петтина (19,9%) од испитаниците се пожалиле дека пратките пристигнале подоцна од очекуваното. На второ место е тешко-употребливата или бавна веб-страница (11,5%), а на трето – испорака на погрешна или оштетена стока (10,4%).