Денеска, на прес-конференција, Фондот за здравствено осигурување ќе ги презентира активностите за донесување измени на Правилникот за начинот на плаќање на здравствените услуги во примарната здравствена заштита. Посебен акцент ќе биде ставен на предложената скалеста исплата на капитацијата за ординациите во руралните средини.

Во оваа фаза, Фондот ги повикува докторите кои веќе работат во руралните подрачја, како и оние кои би сакале да започнат работа, но моменталните услови го отежнуваат тоа, да учествуваат со свои предлози и мислења. И локалното население од руралните средини е охрабрено да се вклучи и да даде свои коментари.

Прес-конференцијата ќе ја одржат генералните директори на Фондот, Сашко Клековски и Бранко Аџигогов.