Француските обвинители отворија кривична истрага против tiktok поради тоа што, според наводите, платформата не презела доволни мерки за заштита на менталното здравје на децата кои ја користат апликацијата. Ова е прв пат во европа заштитата на малолетниците на социјалните мрежи да стане предмет на кривична постапка – чекор што многумина го гледаат како пресврт во европската борба против токсичните ефекти на дигиталните платформи.

Истрагата е покрената по парламентарна истрага во франција, која открила дека алгоритмот на tiktok функционира како „психолошка стапица“ – доволни се неколку интеракции за системот да почне да препорачува вознемирувачка, агресивна и депресивна содржина, особено на тинејџерите.

Обвинителството ќе ја истражува одговорноста на компанијата за занемарување на обврските кон младите корисници, бидејќи во многу случаи тие поминуваат часови на платформата, изложени на содржина што може да поттикне анксиозност, самокритичност или дури самоубиствени мисли.

Од tiktok категорично ги отфрлија обвинувањата, тврдејќи дека имаат повеќе од 50 безбедносни функции и алатки создадени специјално за заштита на тинејџерите. Компанијата додава дека „девет од десет насилни видеа се отстрануваат пред воопшто да бидат гледани“, и дека ќе се бранат енергично во постапката.

Оваа истрага доаѓа во момент кога европската унија преку Законот за дигитални услуги (DSA) воведе нови правила за одговорност на платформите како tiktok, instagram и youtube, обврзувајќи ги да обезбедат безбедно онлајн искуство за децата.

Дали ова е пример што треба да го следат и нашите институции?
Социјалните мрежи одамна се дел од секојдневието на младите – но кој е одговорен кога тие стануваат извор на анксиозност и психолошки притисок?