Германските истражители утврдија дека група Украинци, кои ги дигнаа во воздух гасоводите „Северн поток“ во Балтичкото Море, дејствувале под директен надзор на Валериј Залужни, поранешниот врховен командант на украинската армија.
Истрагата поврза изнајмени чамци, телефонски броеви и регистарски таблички со седум лица – тројца украински војници и четворица искусни нуркачи. Целта на операцијата беше да се намалат приходите од руски гас и да се ослабнат врските со Германија.

Како клучен доказ беше искористено видео од сообраќајна камера, на кое беше препознаен еден од украинските нуркачи, кој подоцна беше лоциран во Полска и, според извештаите, однесен во Украина со автомобил со дипломатски таблички.

Командантот на групата, Сергеј Кузнецов, поранешен член на Безбедносната служба на Украина (СБУ), беше пронајден во Италија.

Тој користел украински пасош под лажно име, што е типично за специјални операции. Италијанските судови до декември ќе одлучат дали да го екстрадираат во Германија, каде што веќе е подготвен авион за да го префрли во Хамбург.

На крајот на октомври, судот во Болоња донесе одлука за екстрадиција на Кузнецов во Германија, на барање на германските обвинители кои го поврзуваат со саботажата на Северниот тек. Неговата одбрана поднесе жалба до Врховниот суд на Италија, кој треба да донесе конечна одлука во рок од еден месец. По одлуката за екстрадиција, Кузнецов започна штрајк со глад.