Германскиот канцелар Фридрих Мерц објави дека Германија ќе ги надгради своите вооружени сили во најсилната конвенционална армија во Европа, нагласувајќи дека за тоа ќе бидат обезбедени сите потребни финансиски средства, пренесува Танјуг.

Во документ од 39 страници, германската влада предвидува 377 милијарди евра за купување на оружје и опрема за копнените, воздушните, поморските, вселенските и кибер силите на армијата, пренесува бриселскиот портал.

Планот, како што наведува Политико, предвидува реформата и опремувањето на Бундесверот да бидат цврсто засновани на германската индустрија. Домашните компании ќе доминираат во најголемиот дел од тендерите – околу 160 проекти во вредност од 182 милијарди евра.