Авганистанските воздухопловни сили извршија воздушен напад врз пакистанскиот град Лахор откако во саботата навечер избувнаа вооружени судири на границата меѓу двете земји.

Жестоки судири избувнаа меѓу талибанските формации и пакистанската армија по целата линија Дуранд на авганистанско-пакистанската граница, објави порталот Толо њуз, повикувајќи се на локални извори. Борбите се водат во седум гранични провинции.

Талибанците наскоро прогласија „успешен“ крај на операцијата против Пакистан по должината на границата.

Авганистанскиот министер за одбрана прогласи успешен крај на „одмаздничката операција“ против Пакистан како одговор на воздушните напади на земјата.

„Доколку Пакистан повторно ги прекрши правилата, нашите вооружени сили ќе одговорат решително“, предупреди авганистанскиот министер.

Авганистанските воздухопловни сили извршија воздушен напад врз пакистанскиот град Лахор, откако избувнаа вооружени судири на границата на двете земји, објави порталот.

Според локални извори, талибанските борци ги таргетирале позициите во урбаната област. Досега нема официјални коментари од Исламабад и Кабул за можните загуби и обемот на нападот.

Се известува дека во провинциите Кунар, Нангархар и Хелманд се водат жестоки борби – талибанските сили ги нападнаа граничните позиции на Пакистан од неколку правци.

Според непотврдени извештаи, најмалку 12 пакистански војници биле убиени во авганистанскиот напад врз Пакистан, според Толо Њуз.

Од друга страна, пакистанскиот телевизиски канал САМАА објави дека неколку авганистански позиции биле уништени како одговор на нападот, а десетици војници биле неутрализирани.

Борби беа пријавени и во округот Шорабак во покраината Кандахар.

Ескалацијата следеше по извештаите дека во четвртокот пакистански дрон во Кабул таргетирал оклопно возило во кое наводно се наоѓал лидерот на пакистанските талибанци Нур Вали Мехсуд и неговите можни наследници, додека пакистанските воздухопловни сили извршиле напади во покраината Пактика во источен Авганистан во ноќта помеѓу четврток и петок.

Официјална Москва, исто така, се огласи, повикувајќи на деескалација на линијата Дуранд и нагласувајќи дека стабилноста на Авганистан е клучна за регионалната безбедност на Централна Азија, додека ситуацијата на границата носи ризик од ширење на нестабилност и прекугранични инциденти.