Грција испрати воени капацитети на Кипар откако островот се најде под зголемена закана по серија напади со беспилотни летала. Атина ги распореди две фрегати, два борбени авиони Ф-16 и систем за одбрана од дронови – потег кој беше опишан од страна на грчкиот министер за одбрана Никос Дендиас како одговор на „непровоцирани напади”.

Меѓу инцидентите кои ја поттикнаа одлуката е и удар на дрон врз британската воена база РАФ Акротири на Кипар. Потоа беа пресретнати уште две беспилотни летала кои летеа во насока на истата база. Аеродромот во Пафос беше евакуиран по сомнителен сигнал на радар.

Грчки Ф-16 авиони слетаа на кипарска територија, визуелно потврдувајќи ја распоредувањето на силите. Министерот Дендиас најави посета на Кипар заедно со шефот на вооружените сили генерал Димитриос Хупис, каде ќе се сретне со претседателот Никос Христодулидес и министерот за одбрана Василис Палмас за да ги координираат дефанзивните стратегии.

Распоредувањето на грчки воени сили на Кипар претставува јасен сигнал на поддршка кон Никозија во услови на зголемена нестабилност во источниот Медитеран. Грција и Кипар, двете членки на Европската унија, ги зацврстуваат своите одбранбени позиции додека регионалните тензии продолжуваат да растат.